Jæja datt í hug að skella inn einn færslu eða svo því ég á víst ammli í dag takk fyrir, hilsen pilsen

Jæja mikið að maður skildi muna passwordið hérna inn. En það helsta er að ég er loksin búinn með þessa blessuðu byggingarfræði og fékk ég 4 í meðaleinkunn fyrir dissann minn og lokaprófið og er bara ekki svo alósáttur með það miðað við hvað ég fór upp með. En það sem stendur uppúr þessa önn er að sjálfsögðu "litli" drengurinn minn sem fæddist í lok oktober, en hann er orðinn tæp 8 kg og rúmir 65 cm og ekki orðinn 3 mánaða einu sinni þannig að hann á eftir að taka pabba gamla í bóndabeygju fyrr en seinna hehe Er líka buinn að biðja meistara Eggert brósa að kenna honum tae kwon do þannig að ég mun örugglega ekki eiga neinn séns í hann En hann dafnar rosalega vel og það verður gaman að geta loksins eytt einhverjum tíma með honum.

Svo 23. jan verður farin hópferð til Odense á tónleika með færeysku hljómsveitinni Tyr. Verðum amk 7 sem fara þannig að þetta verður hörkustuð, þarf bara að kaupa mér leðurbuxur til að passa þarna inn talandi um það helvíti, þá fór ég í bæinn áðan til að kaupa mér buxur og annað hvort þurfti maður að vera horrengla eða dvergur til að passa í föt þarna þannig að hér með er ég kominn í megrun

Annars komum við heim fyrir páska til að skíra + 2 fermingar og eitt og annað. Vígja nýju beygjuvélina mína og smíða mér veltibúr í jeppann og eh.

En er kominn með sinaskeiðabólgur á þessum skrifum öllum þannig að ten-four bara þangað til næst...

Jæja þá er litli kallinn loksins mættur Hann kom sem sagt þann 27.10.07 kl. 4:58 og mældist rúm 4,5 kg og 54 cm. á kengd. Við fórum uppá sjúkrahús um kl 00 og sá litli kom 5 tímum seinna. En fæðingin gekk vonum framar og stóð Inga sig alveg eins og hetja og miðað við þennan gríðalega sársauka að þá fannst mér varla heyrast múkk í henni. Það lá við að ég væri farinn að öskra hærra en hún Hann kom líka á fullkomnum tíma mömmu og pabba vegna því þau voru búin að vera hérna frá því á miðvikudeginum og fóru í gærkvöldi  en náðu að sjá barnabarnið. Og nafnið sem litli ber núna er Gunnar Hólm og sækir hann það í afa sinn og langömmu frá Villingadal. En barni og móður heilsast fint og svo vill ég þakka fyrir allar kveðjurnar sem við höfum fengið...over and out

Jæja haldiði að minn sé ekki að baka skúffuköku...maður verður vist að redda sér. En annars er lítið um að gerast, litli enn í bumbunni á mömmu sinni og bíður síns tíma. Svo kemur tengdamamma á morgun og verður gaman að fá hana í heimsókn og á eftir að styðja vel við bakið á okkur sem og mamma og pabbi sem koma á miðvikudagin og verða hjá okkur í 4 daga En annars meðfram því að gera þennan special þá hef ég skipt um alla demparanna undir bílnum og sennilega þarf ég að fá mér nýja gorma að aftan, pússað nokkur borð og lakkað voða fínt svo að stofan hjá okkur er loksins farin að líta út eins og hjá fáguðu fólki...hahaha yeh right en allaveganna. Svo er maður byrjaður í ræktinni í enn eitt skiptið og á föstudaginn minnir mig var ég svo ruglaður þegar ég vaknaði að ég var klukkutíma á undan áætlun, búinn að bölva Eyjó granna fyrir að sofa yfir sig og keyrt síðan í ræktina í smástresskasti þegar ég sá að það var ekki einu sinni búið að opna djöf rugl. En ætla að fara að huga að kökunni og gera kremið

Þar sem ég nenni ekki að læra neitt núna þá hef ég enga afsökun fyrir að setja ekki inn nokkrar línur hérna á þessu svaða bloggi mínu, mundi varla hvernig átti að logga inn

En í morgun voru okkar fyrstu næturgestir í nýju íbúðinni að yfirgefa okkur. En þessir mikið heppnu gestir eru afi og amma Ingu sem komu við hjá okkur eftir að hafa keyrt um hálfa Skandinavíu. Við kíktum meðal annars í golf og út að éta á Jensens, fékk mér væna flís af feitum sauð og mátti éta eins og ég gat í mig látið og eins af ís á eftir og át nátturulega á mig gat og það mátti ekki á milli sjá hvort okkar Ingu væri komið lengra á leið En annars er ég alltaf á leið í svakalegt átak en það gengur eitthvað illa að koma sér á stað og kenni ég Valla alfarið um það.

Skólinn gengur sinn vanagang, seinn af stað en svo allt tekið á endasprettinum alveg eins og í 400 metrunum í gamla daga

Svo er farið að styttast í litla kút, 17 dagar þangað til að hann er settur en svo er bara spurningin hvort hann sé eitthvað að flýta sér eða ekki. En Inga stendur sig alveg frábærlega, maður var búinn að heyra að þær óléttu skiptu alveg um skap og það mætti ekkert vitlaust á þær yrða en ég hef aðeins prufað mig áfram með það og það er ekki rétt...amk á mínu heimili

Svo gerðum við Valli stórkaup aldarinnar þegar við keyptum okkur allsvakalega (það sem enginn má vita) af einhverjum mesta sveitadurgum sem við höfum augum litið. Eftir að hafa keyrt Jótland þvert og endilangt þá komum við að sveitabæ þar sem (það sem enginn má vita) stóðu í haugum. Fórum út og kíktum á nokkrar (það sem enginn má vita) sem okkur leist best á...eða ódýrustu. Þá kom að okkur risastór sláni sem var greinilega vinnumaður þarna og í þokkabót var hann sennilega hálfnaður með bjórkassann...og þetta var fyrir hádegi heh. Eitthvað fannst honum erfitt að skilja okkur þannig að hann skipti fljótlega yfir í ensku og var djöf sáttur með sig og sína enskukunnáttu þó að við kanski værum það ekki..."yes"..."1000 krones"..."hik"...var það eina sem við skildum. Svo sendi hann okkur inn í bæinn til að ganga frá kaupunum og þar hittum við staurblindann og spikfeitann dverg sem var með 100 gamla nokia síma á borðinu sínu og risa stækkunargler. Og þar sem hann sá ekki neitt þá þurftum við að leita í möppunum hjá honum að skráningarskírteininu. Og það fyndnasta við hann var að þegar hann var buinn að svara einhverju eða hætti að tala þá sneri hann sér alltaf baki í okkur og glápti bara útum gluggan...eins og að hann sæi eitthvað þar??? En við erum mjög þakklátir fyrir að hafa komist þaðan  óskaðaðir á líkama og sál.

En ætla snúa mér að einhverju öðru, see yah later

Jæja þá er maður loksins komin með eitthvað til þess að skrifa um en í gær kom ég heim frá Danmörku þar sem ég fór á all svakalega tónleika með Rolling Stones. Það er alveg ótrúlegt hvað þeir endast, verða bara svalari hehe. En svo notaði ég tækifærið og skrapp til Horsens og flutti allt draslið okkar uppá kollegi því við erum flutt þangað...núna amk Fékk góða hjálp frá Magga, Tidda og Óla, takk fyrir þetta strákar En þvílíkt drasl sem maður á, hefði eins getað hennt helmingnum af þessu án þess að sakna þess nokkurn timan. Verð reyndar líka að kvarta aðeins yfir hitanum þarna því það var bara +25 gráður og engan vegin hægt að ætlast til að maður sé að standa í einhverjum flutningum í þessum hita

En svo á laugardaginn kemur skellum við okkur í brúðkaup hjá Valla og Kötu og ætlast ég til að þess að Valli eyði brúðkaupsnóttinni með mér

....hélt að ég hefði eitthvað meir til að skrifa um en greinilega ekki nema að við Inga förum til Dk þann 20 águst til að vinna eitthvað og taka uppúr kössum og sólbrenna bumbuna og svona.

  Jæja þá er Færeyjaævintýrinu lokið. Það var haldinn fundur í gær þar sem komið var með uppástungur að vinnustaðaferð eitthvert úti lönd. En því miður kemst ég ekki með því þetta verður um mánaðarmótin sept-okt. En ég bauð uppá öl og muffins og voru allir voða ánægðir og fékk held ég engin í magann. En svo fór ég, Corine og Annie í bæinn og fengum okkur öl og eitthvað að éta og drattaðist ég heim kl 3 í nótt og var alveg handónýtur í dag 

  En ja ég kom sem sagt heim áðan þó svo að fólk hefði minnt mig á það væri föstudagurinn 13 en hann var ekki verri en það að ég var með 35 kg af farangri en þurfti ekki að borga krónu fyrir alla yfirvigtina, hvorki til Íslands né norður til Ak. plús að ég gat tekið fyrra flug norður án þess að borga aur í breytingagjald. Og kanski það svakalegasta...ég var ekki stoppaður í tollinum haha...gerist nær undantekningarlaust En samt hélt ég að þetta ferðalag yrði bara eitt stórt ves...sem sannar það að maður á aldrei að halda neitt

Jæja hef nú ekkert til að skrifa um núna nema í gærkvöldi var smá grindardráp hérna niðurá höfn. Ég kom aðeins of seint þannig að það var búið að drepa um 25 stk. og binda við bryggjuna...er nú bara sáttur við að hafa misst af slátruninni, finnst ekkert sérstaklega gaman að sjá svona. En það var eitthvað af túristum þarna og heimafólki, allir að taka myndir og voða spennandi. Svo á ég bara eina helgi eftir hérna og er ekki búinn að ráðstafa henni neitt að ráði, vinn ef mér leiðist en annars reyni ég að gera eitthvað gefandi hehe Svo á fimmtudaginn í næstu viku verður mánaðalegur starfsmannafundur haldinn í vinnunni og smá kveðjuhóf líka, mæti með öl og eitthvað...held að ég eigi eftir að sakna þess aðeins þegar lengra dregur að vinna þarna. En ég hef verið afskaplega heppinn með þessa praktík, mjög góður mórall, vel borgað og fengið að hanna mikið og hringja útum allt í upplýsingaleit og að reka á eftir einhverju liði í einingaverksmiðjunni í reykjavík og svona skemmtilegt heh. Svo er búið að létta af mér smá áhyggjum af Ingu því hún er umkringd af sínu fólki útí dk. núna vegna þess að Eyjó kallinn útskrifast á föstudaginn en ég nátturulega missi af útskriftarpartyinu maður fær víst ekki allt...bara erfitt stundum að sætta sig við það hehe

Jæja eitthvað er nú dagurinn tekinn að lengjast hjá mér, amk. þessa helgina því mér finnst hún engan enda ætla að taka Þannig að í gær þegar ég vaknaði þá datt mér í hug að það gæti orðið gaman að taka ferjuna yfir á Nólsoy en hún er næsta eyja sunnan við Þórshöfn, pínulítil alveg. En sem sagt þegar ég vakna fer ég að skoða ferðaáætlunina og sé að næsta ferð er eftir 45 mín. og fannst það vel ríflegt því ég hélt að ég yrði ekki lengi að klæða mig og smyrja. Svo korter yfir 9 þá stökk ég út í lopapeysunni og hljóp niður í bæ en varð að koma við í hraðbanka og taka út smá pening. Ekki vildi betur en svo að í stressinu þá gat ég ómögulega munað pin númerið og reyndi ég nokkrum sinnum en eftir tilraun 4 þá þorði ég ekki að reyna meira og hljóp af stað vonandi að smáaurarnir sem ég var með á mér myndu duga fyrir farinu en þegar ég hafði hlaupið nokkra metra þá kom allt í einu pin númerið upp í kollinn þannig að ég snéri við og tók út pening. Síðan var allt sett á fullt niðrá bryggju og upp rampinn og að hliðinu sem mér til mikillar skelfingar leit út fyrir að vera nýlokað en það var sem betur fer einhver starfsmaður þarna sem ég spurði hvort það væri hætt að hleypa inn sem var ekki raunin því það kom í ljós að ég var í vitlausu skipi Eftir að hafa fengið ábendingu um hvar rétt skip væri að finna rauk ég aftur af stað en var ca. 2 mínutum of seinn því það var rétt lagt af stað þegar ég kom að bryggjunni...hefði ég verið aðeins fyrri til þá hefði ég reynt að stökkva um borð en þar sem bryggjan var full af túristum þá ákvað ég að vera ekki að reyna neitt gáfulegt....þeim hefði áreiðanlega fundist það fyndið að sjá einhvern dúdda í ullarpeysu drífa hálfa leið að skipinu og steypast síðan í sjóinn hehe En svo var bara farið heim í sturtu eftir allt þetta hlaup og svo ferjan tekin seinna um daginn. En það var síðan ekkert gaman á þessari eyju eftir allt saman, það bara réðist tvisvar á mig crazy kríuhópur og ætlaði að éta mig lifandi, kann ekki að skammast sín þetta fiðurfé þarna Eftir þetta fór ég bara í vinnuna, þar er amk ekki ráðist á mann að tilefnislausu...og svo fór ég reyndar líka í vinnuna í dag...aðalega til að vinna upp gamlar syndir frá því að gömlu voru hérna í heimsókn

Jæja öl, harðfiskur og smjér í kvöldmat, er að reyna að hreinsa úr kælinum allt það litla sem ég þar. Annars er lítið að frétta héðan, aðeins 2 helgar eftir hér á bæ þangað til að ég held til Akureyrar og held ég að þeim verði barasta eytt í fjallgöngur ef þess verður nokkur kostur Svo er ég að verða nokkuð spenntur yfir að sjá hvernig boltinn byrjar í haust, mínir menn í newcastle komnir með stjóra og leikmenn og ef þeir tittir tveir þarna frammi fara ekki neitt þá getur ýmislegt farið að gerast. Eins verður gaman að sjá hvort Smárinn fari til Man.Utd. held að hann myndi fitta þar inn eins og flís við rass. En ætla að hætta þessu skrifi núna áður en ég fæ fyrir hjartað af öllu þessu smjöri.

Og hana nú. En áðan fylgdi ég mömmu, pabba og brósa á flugvöllinn eftir 5 daga heimsókn, allir voða ánægðir en þreyttir samt. Á þessum 5 dögum tókst okkur að kemba næstum 3 stærstu eyjarnar og séð almennt það sem túristar eiga að sjá hérna...tók meðal annars í höndina á Hera Joensen aðalgæja hljómsveitarinnar Týr og sá síðan rústir Tróndar í Gøtu og sumt annað. En ja fylgdi gestum mínum á flugvöllinn og tók síðan rútuna til baka og þegar ég var að rölta frá rútustöðinni og fram hjá miðbænum rambaði ég fram á 4 af starfsfélögum mínum sem sátu úti og drukku öl og þar með fljótir að ná athygli minni þannig að ég settist hjá þeim og stuttu seinna kemur sjálfur bossinn minn með sína familýu og endum við öll inná veitingastað þarna fyrir ofan, étum og drekkum sæmilega alveg en svo fer kall (bossinn) bara og borgar allann mat og drykk og þegar ég heyri það þá spyr ég hann nú hvort hann hafi splæst á allt liðið og jú svo var og frekar hissa bara að ég skildi spyrja...var sagt það seinna svo að hann gerði þetta alltaf...þvílíkt göfugmenni hef ég aldrei unnið fyrir áður og varla aftur því hann er svo rólegur á því og almennilegur að hálfa væri nóg...fólk myndi ekki fatta að þetta væri aðalgæjinn heldur bara einn af staffinu. Fyrir svona fólk leggur maður sig fram. En núna er háttatími gott fólk þannig að ten four þangað til næst...

Jæja hef ákveðið að titla hverja færslu með góðum færeyskum málshætti. En það er lítið að frétta héðan nema að Inga fer aftur til Dk. á sunnudaginn og mamma, pabbi og brósi koma svo á miðvikudaginn. En núna er Inga að reka mig úr tölvunni (þú þekkir þetta Eydís þannig að over and .....

Yess I´m back...hmm jæja er búinn að ákveða að segja við jr. þegar hann fæðist "Luke, I´m your father" hahaha...ætli hjúkkunum muni ekki finnast það ekki fyndið....sennilega ekki. En yfir í alvöruna, við Inga leigðum okkur bíl áðan og ætlum að eyða helginni í að skoða eyjurnar. Hringdum áðan og ódýrasti bíllinn var einhver Fiat drusla sem mér fraus hugur við að leigja en sem betur fer voru allir Fratarnir uppteknir þannig að gæinn bauð okkur toyotu corolla á sama verði og hann er meir að segja dísel sem er mjög gott þvi dísellinn kostar bara um 6 kr hérna og það skiptir ekki máli hve marga kílómetra við keyrum þannig að þetta lítur allt voða vel út. Svo í vinnunni hefur verið svoldið að gera, þurft að hringja til dk. og senda mail og biðja um alls konar gögn og eitthvað. En svo gerðust þau óvæntu tíðindi að ég fékk útborgað og átti ég svo sem ekki von á því þar sem þetta "á að vera" ólaunuð praktik. Þá get ég tekið mótorhjólaprófið í sumar og keypt mér chopper Það vilja nebbla allir guttar eiga pabba sem á flotta bíla og mótorhjól þannig að ég er nú bara að hugsa um það.....fyrir lilla hehe. Og svo má ég koma aftur eftir skóla ef mér vantar vinnu En svo bjó Inga til barnanetssíðu og er linkurinn hérna ská fyrir neðan. Ja eitt enn, haldiði að Tórshavn-bjór-verksmiðjan sé ekki hérna í næstu húsum en er nú ekkert voðalega góður samt. Svo var Þórshöfn full af Skotum í vikunni vegna landsleikjar Færeyjinga og Skota, allir í kilti nátturulega og drukku víst ósköpin öll af öli og las Inga það að forstjóri Føroya Bjor væri orðinn áhyggjufullur af yfirvofandi bjórskorti...þeir drukku sem sagt meira en gert er á Olavsøku hahaha gömlu góðu skotarnir. Svo sá ég nátturulega þennan leik og Færeyjingarnir voru vægast sagt slappir í fyrri hálfleik...það var næstum bara eins og að Íslendingar væru að spila. En svo í seinni hálfleik kom allt annað lið inná og þó væru 0-2 undir þá var það ekki að sjá og áttu þeir t.d. 2 skot í slá og stöng og eitt rétt yfir og voru bara miklu betri. 2-2 hefði alls ekki verið ósanngjarnt en svona er þetta alltaf...alveg eins og á klakamótinu, þeir bestu tapa alltaf á einhvern óskiljanlegan hátt hehe en nóg af bulli...ten four.

 

Kanski maður skrifi eitthvað í staðin fyrir að velta í gegnum sömu síðurnar aftur og aftur. En ég held að stafsetningin sé alveg að fara forgörðum...ekki það að hún hafi verið góð fyrir en þegar maður er farinn að blanda sama ensku, dönsku, íslensku og færeysku og meir að segja skrifa á öllu þessu á sama deginum að þá er ekki von á góðu...maður verður nú aðeins að passa uppá sitt viðkvæma heilabú En nú er orðið stutt í að litla familyan mín komi, er búinn að vera í mánuð frá Ingu og það verður sennilega pínu skrítið að sjá hana á föstudaginn haha en jú að sama skapi skemmtilegt

Á mánudaginn var annar í hvítasunnu og þar með frí og tók ég því bara rólega og gerði mest lítið. Svo það fyrsta sem maður frétti á þriðjudaginn voru þær hörmulegu fréttir að tengdaforeldrar yfirmanns míns sem situr fyrir aftan mig hefðu farist í bílslysi á sunnudaginn og maðurinn sem situr á móti mér var þriðji bíll sem kom að slysinu Þetta situr svoldið í mér því mér finnst þetta svo lítið samfélag hérna en öruggt að sama skapi en svona er þetta víst, maður veit ekki ævina fyrr en öll er

En yfir í léttara hjal. Maður heyrir alls konar sögur hérna og ein var af sjómanni einum sem bjó á eyju hérna rétt hjá snemma á síðustu öld. Honum datt í hug að róa til Danmerkur og til þess þurfti hann 3 tilraunir...aðalega vegna þess að hann átti við smá áfengisvandamál að stríða. Í fyrstu tilrauninni kom kall við á Hjaltlandseyjum til að kaupa nauðsynjar og krækja í smá hvíld í leiðinni. Honum var tekið opnum örmum og troðið í hann víni og veitingum sem endaði með því að hann var sendur dauðadrukkinn beina leið heim með næsta skipi. Svo í sinni annarri tilraun, reynslunni ríkari,  þá réri hann fram hjá Hjaltlandi en vegna einhverra ástæðna þurfti hann að stoppa við á olíuborpalli og þar var hann líka belgdur út af víni og aftur var kall sendur heim alveg á sneplunum. En svo tókst honum þetta víst í 3 tilraun en kaldhæðnin við þetta allt saman er að nokkru seinna drukknaði hann hérna rétt fyrir utan, örfáum metrum frá landi. 

Jæja enn ein helgin byrjuð og það hvítasunnuhelgin...sem þýðir frí á mánudaginn, very nice. Hef bara tvisvar unnið fulla viku hérna af 4 vikum. En í gær var farin snilldar vinnustaðarferð, sumir með maka og börn meðferðis. Um klukkan 12 í gærdag sigldum við frá Vestmanna, sem er þorp á hinum enda eyjunnar sem ég bý á, til Mykines sem er sú vestasta af þessum 18 eyjum sem prýða Færeyja. Siglingin tók ca. 1 1/2 tíma sem var alveg nóg því við fengum frekar slæman sjó og bera held ég sumar myndirnar það með sér. Svo eftir að lagt var að bryggju við Mykines gengu sum okkar yfir á vestur hluta eyjarinnar og var leiðin þangað kanski ekki sú léttasta sem ég hef farið en kanski sú skemmtilegasta samt því við þurftum að ganga þrönga stíga utan á klettunum þarna og var það djöfulli magnað alveg. Svo þegar við vorum á enda komin þá var opnaður einn Túbbi og skálað, svona eiga allar ferðir að vera Svo héldum við bara til baka og vorum mikið fljótari því það nennti enginn að taka myndir af heimferðinni. Báturinn sótti okkur síðan um kl 17 og tók það klukkutíma að komast til Vestmanna aftur. Þar fengum við okkur öll að borða þessa fínu steik og síðan ís og súkkulaðiköku í eftirrétt og best að taka það fram að bossinn borgaði þetta allt Svo á heimleiðinni komum við, ég, þessi þýska og danskt par sem vinnur með okkur við á bar eða skemmtistað kanski frekar og kíktum í nokkra flöskubotna. En þetta er ansi merkilegur staður því það er ekki eitt einasta skilti þarna fyrir utan og það gæti engum dottið í hug að þarna sé pöbb, ég sem er búinn að labba þarna 100 sinnum framhjá haha. En jæja þetta var allt voða gaman en því miður eru þau Dönsku að flytja heim eftir nokkra daga, einu sem nenna að kíkja út af þessu vinnuliði.

En það sem stóð kanski uppúr er það að ég var beðinn um að koma til Suður Frakklands, btw. stærsta vínframleiðslusvæði í heiminum í dag, í haust til að skipta um þak á sumarhúsi sem þessi Danski kollegi minn á. Verð að viðurkenna að það er ansi freistandi og Inga er nátturulega veik fyrir Frakklandi þannig að það kemur í ljós í haust hvort eitthvað verði úr þessu.

Og fyrir Svansa þá er orðið "trippa" komið af því að tippla við stigaþrep...sem gæti þýtt "að vera á tánum eða bíða óþolinmóður eftir einhverju"